Azken egunetan jaso ditugun zalantza eta galderen ondorioz, hainbat argipen eskainiko ditugu zenbait punduren inguruan, urratsez-urrats. Has giten:

I. PASE SANITARIOA : COVID ziurtagirietako kodeak bateratuak dira. Beraz, berdin du Iparraldeko #PaseSanitarioa, Nafarroako #Covid19Pasaportea, EAEko #ZiurtagiriDIgitala edo #ZiurtagiriEuroparra baldin baduzu. Testa edonon egiten duzula, zure eskualdeko ziurtagiria eska dezakezu.

II. ZE KASUTAN UKAN DEZAKET ZIURTAGIRIA ?
–Txertoa osoki jaso baduzu (2. txertotik 2 aste itxoin behar da)
–PCR edo antigeno test negatibo baten ondotik
–COVID-19a duela 6 hilabete baino guttiago pasa baduzu

• IPARRALDEA: Txertoa osoki ukan baduzu, ziurtagiria http://ameli.fr atarian eskuratu dezakezu. Test negatiboa edo COVID19a azken 6 hilabeteetan ukan baduzu, SI-DEP datu-basetik telekargatu dezakezu:
  https://sidep.gouv.fr/cyberlab/patientviewer.jsp
• NAFARROA: Pasaportea osasun-etxeetan eskatu daiteke, edota #OsasunKarpeta pertsonalaren bidez deskargatu daiteke:
  http://www.navarra.es/…/Actu…/Carpeta+Personal+de+Salud/
• BIZKAIA, ARABA & GIPUZKOA: Ziurtagiri digitala ondoko webgunetik eskuratu daiteke, eta gaurtik aitzina, test negatiboa ukan duzuenek ere bai: https://www.euskadi.eus/eb-ko-covid…/web01-a3korona/eu/

III. HEGOALDEKOEK TESTAK IPARRALDEAN: Hegoaldekoa bazira, antigeno proba egin dezakezue Iparraldeko farmazietan urririk, eta kode sistema bateratua dagoenez, zure herrialdeko ziurtagiria eskatu dezakezu. Festibal sarreran ziurtagirietako QR kodea irakurriko dugu.

IV. 48 ORENAK: Antigeno probek 48 oreneko iraupena daukate. Horrenbestez, festibalean sartzeko ostegunean edo ostiralean eginiko testaren ziurtagiria erakutsi beharko duzue. Ondoko farmaziak ohartaraziak izan dira haien ahalak handitu ditzaten:

• Pharmacie de la Gare (Hendaia)
• Pharmacie Les allées (Kanbo)
• Pharmacie Pagola (Irisarri)
• Pharmacie Okabe (Donibane Garazi)

Beste farmazietan hitzordua eskatu beharko da: https://www.doctolib.fr/

V. FESTIBALEAN EZ DA TESTIK EGINEN: QR kodea duen ziurtagiria aitzinetik ekarri beharko duzue, paperean edo telefonoan.

VI.ZIURTAGIRI FALTSUAK: QR kodeak errepika ezinak dira. Beraz, ezinezkoa izanen da ziurtagiri faltsuekin festibalean sartzea.

Eskerrik asko zure ulermenagatik