Haien soinua bortitza eta intentsiboa da, riff ebakitzaileek, tempo aldaketa indartsuek eta ahots oldarkor batek eramanik.

Etengabe berritzen ari den hardcore eszenatik edaten dute inspirazioa, eta haren indarra zuzenean sentitzen da kontzertuetan, izerdian eta kaosean.

2023ko bukaeran argitaratu zuten izen bereko lehen EP-a, eta 2024aren hastapenean Dispear Records zigilu tokikoak kasetean plazaratu zuen. Orain, taldeak bere lehen 12 kantuko diskoa aterako du 2025eko uztailaren 25ean, label beraren bidez, oraingoan biniloan eta kasetean.

Lehen kontzertua eman zutenetik hiru urte hauetan, taldeak laurogei emanalditik gora eskaini ditu Frantzia guzian barna. Hala ere, helburu bakarra dute oraino: dena ematea, eta urgentzian